Veliu takohet me Braathu, e siguron për bashkëpunimin edhe në të ardhmen me OSBE-në

16:46 | 16 Dhjetor 2020
Arbresh.info

Ministri i Ministrisë së Punëve të Brendshme, Agim Veliu ka pritur në takim shefin e misionit të OSBE-së në Kosovë, Jan Braathu.

Në këtë takim ministri Veliu falënderoi ambasadorin Braathu dhe Misionin e OSBE-së në Kosovë për angazhimin dhe bashkëpunimin e tyre në ndërtimin e institucioneve dhe demokratizimin e tyre si dhe për përkrahjen e vazhdueshme që ka dhënë për Ministrinë e Punëve të Brendshme në fushën e sigurisë dhe ngritjen e kapaciteteve të agjencioneve.

Ambasadori Braathu poashtu falënderoi ministrin Veliu për gatishmërinë e tij të bashkëpunimit në mes të OSBE-së dhe Ministrisë së Punëve të Brendshme dhe në përgjithësi organeve të sigurisë në vend, dhe e siguroi atë që ky bashkëpunim do të vazhdojë edhe në të ardhmen./arbresh.info/