Në fshatin Lubozhdë të Istogut ka vdekur mbrëmë një person pas një vetaksidenti me veturë.

Në një komunikatë për media, Policia e Kosovës ka njoftuar se për shkak të shpejhtësisë së madhe, gjatë orës 18:50, ka dalë nga rruga duke shkaktuar aksident që i kushtoi me jetë, përcjell arbresh.info.

Me urdhër të prokurorit trupi i pajetë i tij është dërguar në IML për obduksion.

Komunikata e plotë:

Humb jetën njё person në aksident trafiku

Ju informojmë se me datë 9 shkurt 2023, rreth orës 18:50, Policia është informuar për një vet aksident trafiku i cili ka ndodhur në fshatin Lubozhdё-Istog.

Deri te vet aksidenti ka ardhur deri sa i vozitёsi ishte duke qarkulluar nё rrugën Istog-Vrellё, i njëjti duke mos ju përshtatur shpejtёsisё, humb kontrollin del nga rruga dhe si pasojё humb jetёn, vdekjen e sё cilit e ka konstatuar ekipi mjekësor ne vendin e ngjarjes.

Me urdhër të Prokurorit shtetit trupi e pa jetë i viktimës dërgohet  në Institutin e Mjekësisë Ligjore në Prishtinë, për Obduksion.