Gazetari i njohur kosovar, Avni Shabani, ka vdekur gjatë mëngjesit të sotëm.

Lajmi u konfirmua nga kryetari i komunës së Ferizajt, Avni Aliu, i cili tha se kjo është një humbje e madhe për gazetarinë, shkruan Arbresh.info.

“Lajmi për ndarjen e parakohshme nga jeta të doajenit të gazetarisë, ish drejtorit të Kulturës, Rinisë dhe Sportit në Komunën e Ferizajt, qytetarit shembullor e prindit të përkushtuar, Avni Shabani, na pikëlloi e na la pa fjalë të gjithëve. Humbje për Ferizajn, gazetarinë, miqtë e të njohurit e të ndjerit”, ka shkruar Aliu.
Postimi i plotë:

TELEGRAM NGUSHËLLIMI

Lajmi për ndarjen e parakohshme nga jeta të doajenit të gazetarisë, ish drejtorit të Kulturës, Rinisë dhe Sportit në Komunën e Ferizajt, qytetarit shembullor e prindit të përkushtuar, Avni Shabani, na pikëlloi e na la pa fjalë të gjithëve. Humbje për Ferizajn, gazetarinë, miqtë e të njohurit e të ndjerit.

Kontributi i tij profesional la gjurmë të pashlyeshme në faqet e gazetave, ekranet televizive e kudo ku punoi i ndjeri.

Lamtumirë, bashkëqytetar i dalluar!
Ngushëllime të sinqerta familjes Shabani, kolegëve, miqve e të njohurve të të ndjerit.

Dritë pastë shpirti i tij fisnik!./ Arbresh.info/