Vdes edhe një tjetër pacient me Covid-19 nga Klina

21:20 | 24 Korrik 2020
Arditë Shkodra

Një person nga Klina ka vdekur sot, pas infektimit me COVID-19.

Lajmin e ka konfirmuar përmes një postimi në Facebook kryetari i komunës, Zenun Elezaj.

“Me dhembje të madhe e morëm lajmin për ndarjen nga jeta të bashkëvendësit tonë, M.G. nga fshati Shtupel, i cili ishte i diagnostikuar me virusin COVID-19”, ka shkruar ai.

IKSHPK njoftoi sot edhe për 213 raste pozitive me koronavirus.

Njoftimi i plotë:

Telegram Ngushëllimi

Me dhembje të madhe e morëm lajmin për ndarjen nga jeta të bashkëvendësit tonë, Mirosh Grabanica nga fshati Shtupel, i cili ishte i diagnostikuar me virusin COVID-19.

Në emër të Komunës së Klinës dhe në emër timin, i shpreh ngushëllime të sinqerta familjes Grabanica, të afërmve, miqve dhe të gjithë atyre që e kanë njohur.