Në fshatin Kaçanik i Vjetër, në Komunën e Ferizajt, një punëtor i moshës 51 vjeçare ka gjetur vdekjen në mënyrë aksidentale.

Rreth orës 09:15 të mëngjesit, i ndjeri S.R, duke punuar në një objekt, një mjet i metalit i ka rënë në kokë, duke e lënë të vdekur.

Këto janë konfirmuar nga zëdhënësi i Policisë Rajonale të Ferizajt, Agim Gashi. Ai i ka thënë Gazetës Express se personi në fjalë është dërguar menjëherë në ambulanten e fshatit Kaçanik.

“Duke punuar në një objekt, i ka rënë një mjet i metalit në kokë. I njëjti është dërguar në ambulanten e fshatit dhe mjeku kujdestar ka konstatuar se personi ka gjetur vdekjen menjëherë.

Po ashtu, Gashi ka bërë të ditur se përveç viktimës, edhe një person tjetër është lënduar por gjendja e tij është më mirë tani.

“Është lënduar edhe një person tjetër, i cili pas trajtimit mjekësor është kthyer në shtëpi”, ka shtuar ai.

Lidhur me këtë, Prokuroria Themelore e Ferizajt e ka cilësuar si rrezikim i sigurisë në vendin e punës.