Komisioni Qendror i Zgjedhjeve (KQZ) bën të ditur se është duke vazhduar periudha e ndërrimit të Qendrës së Votimit brenda komunës.

“Komisioni Qendror i Zgjedhjeve njofton se është duke vazhduar periudha për ndërrimin e Qendrës së Votimit brenda komunës për Zgjedhjet Lokale për Kryetarë të Komunave dhe për Kuvende Komunale. Kjo periudhë, e cila ka filluar më 28 qershor, do të përfundojë më 29 gusht 2025”, thuhet në njoftimin e KQZ-së, raporton Arbresh.info.

Gjatë kësaj periudhe, qytetarët me të drejtë vote do të mund ta mësojnë qendrën e tyre të votimit dhe nëse dëshirojnë edhe ta ndërrojnë atë, duke e caktuar sa më afër vendbanimit në komunën e tyre: Përmes platformës elektronike të KQZ-së: https://qv.kqz-ks.org ose duke paraqitur kërkesën në Komisionin Komunal të Zgjedhjeve në komunën ku është i regjistruar votuesi./Arbresh.info/