Vazhdon bashkëpunimi në fushën e sigurisë mes Kosovës dhe Italisë

16:21 | 14 Mars 2016
M. A.

Ministri i Punëve të Brendshme Skender Hyseni është takuar sot më ambasadorin e Italisë në Kosovë AndreasFerrarese, me të cilin biseduan për gjendjen e përgjithshme në Kosovë veçanërisht për fushën e sundimit të rendit dhe ligjit.

Bashkëpunimi në mes të Republikës së Kosovës dhe Republikës së Italisë u vlerësua lartë dhe i frytshëm në fusha të ndryshme e sidomos u nënvizua suksesi i aksionit të përbashkët kundër ekstremizmit .

Ambasadori AndreasFerrarese, e vlerësoi lartë punën e Ministrisë Punëve të Brendshme dhe Policisë së Kosovës.

Ambasadori italian z. Ferrarese siguroi ministrin Hyseni për mbështetje të vazhdueshme të Qeverisë së Italisë në fushën e sigurisë si dhe avancimin e bashkëpunimit të të dyja vendeve.