Valmir Elezi: Rezultatet përfundimtare të zgjedhjeve mund të shpallen gjatë javës së ardhshme

15:51 | 23 Shkurt 2021

Zëdhënësi i KQZ-së, Valmir Elezi, në një konferencë të mbajtur  për media bëri të ditur se në QNR është duke vazhduar procesi i vlerësimit të pakove të supozuar me fletëvotime nga jashtë vendit dhe rinumërimi i disa vendvotimeve.

Elezi ka thënë se rezultatet përfundimtare të zgjedhjeve të 14 shkurtit mund të shpallen gjatë javës së ardhshme, shkruan Arbresh.info.

“Procesi i rinumërimit të vendvotimit po shkon sipas dinamikës që e kemi parë, janë 28 tavolina ku po zhvillohet procesi i rinumërimit dhe besojmë që procesi do të përmbyllet deri të premten në mbrëmje. Gjatë fillimit të javës së ardhshme besoj që KQZ mund të dalë me shpalljen e rezultatit përfundimtar të këtyre zgjedhjeve”, ka thënë ai.

Ai po ashtu  ka thënë se gjatë vikendit mund të fillojë numërimi i votave me kusht dhe atyre jashtë vendit.

Shpërndaje në rrjete sociale

Lajmet më të lexuara