13 marsi do të thotë tre vjet nga dy rastet e para me virusin COVID – 19 në Kosovë.

Për këtë, ministri i Shëndetësisë, Arben Vitia, ka thënë se në këtë periudhë tre – vjeçare, ka ndodhur shumëçka në jetën e të gjithëve, përcjell arbresh.info.

“Sot më 13 mars, para tre viteve, patëm njoftuar për dy rastet e para të corona virusit në Kosovë. Shumëçka ndodhi në jetët e gjithsecilit përgjatë kësaj kohe. Shumëkush u ndikua në mënyrë dramatike. Në sytë dhe mendjet e të gjithëve  janë fytyrat dhe emrat e mjekut apo mjekes që u gjend para secilit pacient, në ato çaste të ankthit, pasigurisë dhe vështirësive shëndetësore”, ka shkruar Vitia.

Tutje, Vitia ka thënë se është falënderues për të gjithë mjekët që rrezikuan jetën e tyre për qytetarët.

Si kurrë më parë të gjithë ju ishim falenderues për çka bënë për qytetarët. U jemi falenderues përjetë personelit  shëndetësorë. I mbrojtën jetët e secilit duke vënë të tyren në dispozicion”, tha ai./arbresh.info