Tre banorë të fshatit Studime e Ulët të infektuar me Covid-19, janë shëruar plotësisht.

Tre banorë nga fshati Studime e Ulët e Vushtrrisë janë shëruar plotësisht nga koronavirusi.

Këtë e ka bërë të ditur i pari i Vushtrrisë, Xhafer Tahiri.

Tahiri përmes një postimi në profilin e tij zyrtar në rrjetin social Facebook ka shkruar se aktualisht në Vushtrri janë 17 persona të infektuar me koronavirus.

Postimi i plotë i Tahirit, pa ndërhyrje:

Edhe një lajm i mirë sot

3 qytetarë nga fshati Studime e Ulët, Vushtrri të infektuar me Covid 19, janë shëruar plotësisht?

Aktualisht në Vushtrri janë 17 qytetarë të infektuar me #coronacirus ndërsa ne lutemi dhe të gjithëve ju urojmë shërim të plotë.

Puna e përbashkët e jona, masat tona bashkë me ato të propozuara nga IKSHPK e të vendosura nga MSH po funksionojnë.

Lutemi që të mos ketë raste të reja sepse i tërë qyteti mundet me hy në karantinë me vendim të MSH.

Prandaj ju lutemi, #rrinshpi mbaje distancën ruaje vetën, kujdesu për familjen, ruaje qytetin.