Tomë Gashi: Ja kush e ka fajin që Albin Kurti u la jashtë listës së deputetëve

01:41 | 30 Janar 2021

Kreu i Lëvizjes Vetëvendosje, Albin Kurti ka mbetur përfundimisht jashtë listës së kandidatëve për deputet për zgjedhjet parlamentare të 14 shkurtit.

Gjykata Supreme ka dhënë vendimin e saj gjatë së premtes bazuar në ankesën e kësaj partie mbi vendimin e PZAP-së, në të cilin thuhet se Kurti bashkë me Albulena Haxhiun dhe Bajram Mavriqin nuk mund të certifikohen për t’i hyrë garës zgjedhore pasi ndaj tyre dënimi i formës së prerë ende nuk i ka kaluar tre vjet.

I ftuar në Spotlight nga Alban Dudushi, në Vizion Plus, avokati I njohur nga Kosova, Tomë Gashi, rrëfeu se kush e ka fajin që Albin Kurti u la jashtë listës së deputetëve.

“Kryesuesja e KQZ-së, znj.Daka është aty prej 12 viteve dhe duket që haptas është parë në konferencën për median, që ajo u shndërrua në aktor aktiv politik, gjë që nuk është e lejuar, dhe ishte e qartë që anon nga partitë të cilat supozohet se janë ato kryesoret, që kanë faj për situatën në të cilën jemi për 20 vitet e fundit.”

Alban Dudushi: Kush janë ata? Për cilat bëhet fjalë?

Tomë Gashi: Partia Demokratike e Kosovës dhe Lidhja Demokratike e Kosovës.

Lajmet më të lexuara