Partitë Politike mbrëmë kanë dorëzuar listat për kryetarë të komunave për zgjedhjet lokale që do të mbahen me 22 tetor, shkruan arbresh.info

Edhe këtë vit në listat e partive dominojnë meshkujt, partitë politike nuk e kanë përmbushur kuotën e 30 % femra.

Për dallim nga zgjedhjet e kaluara Partia Demokratike e Kosovës (PDK) në zgjedhjet e 22 tetorit do të kandidojë me tri gra. Në Mitrovicë do të jetë Valdete Idrizi, Pejë Sabiha Shala dhe në Mitrovicën e Veriut Gonxhe Çaushi.

Lidhja Demokratike e Kosovës do të garojë vetëm me një grua, ajo është Hyrijete Isufi kandidate për  kryetare në komunën e Hanit të  Elezit.

Edhe Nisma për Kosovë ka kandiduar një grua, ajo është Anila Kastrati  kandidate për të marrë kreun e  komunës së Gjilanit.

Alternativa do të kandidojë edhe për një mandat deputeten e zgjedhur Mimoza Kusari-Lila.

Ndërsa Lëvizja Vetëvendosje në listën e kandidatëve ka vetëm burra.

Për dallim nga zgjedhjet e viti 2013 këtë vit garojnë më pak femra, atëherë kishte rreth 10 kandidate ndërsa tani janë vetëm gjashtë.

Partia e cila kishte më shumë kandidate femra në zgjedhjet e kaluara ishte Vetëvendosja ku garonte në tri komuna me kandidate femra, më pas AKR me dy kandidate dhe AAK me një./arbresh.info/