Serbia vazhdon të mbetet aleat i ngushtë i Rusisë dhe politikave të saj. E një gjë e tillë jo rrallë herë është dëshmuar nga shteti fqinj.

Së fundmi tifozët e Crvena Zvezdës në stadium valëvitën flamujt rusë nën brohoritma “Serbë dhe rusë, vëllezër përgjithmonë”.

E një veprim i tillë po shihet se një pasqyrë e mirë për ndërkombëtarët që po tentojnë të injorojnë këtë fakt.

Kështu është shprehur në një postim në “X” analisti boshnjak, Jasmin Mujanoviq.

Aside from Red Star’s “Delije” fans again flaunting their extreme chauvinist views, this display is an instructive insight into the reality of contemporary Serbian society under Aleksandar Vucic. US/EU efforts to ignore this simple fact utterly pointless. pic.twitter.com/4XrnAVIOZM

— Jasmin Mujanović (@JasminMuj) February 12, 2024

“Përveç që tifozët e të Yllit të Kuq përsëri shfaqin pikëpamjet e tyre ekstreme shoviniste, kjo shfaqje është një pasqyrë mësimore në realitetin e shoqërisë bashkëkohore serbe nën Aleksandar Vuçiq. Përpjekjet e SHBA/BE për të injoruar këtë fakt të thjeshtë janë krejtësisht të kota”, ka shkruar Mujanoviq.

Kujtojmë se tifozët e Crvena Zvezdës më parë kishin bërë thirrje kundër Kosovës dhe shqiptarëve në përgjithësi, pas sulmit që ndodhi në Banjskë më 24 shtator 2023. /Telegrafi/