Presidenti i Kosovës Hashim Thaçi ka thënë se pajtimi me Serbinë është shumë i vështirë për Kosovën.

Këtë deklaratë Thaçi e bëri gjatë konferencës ‘Dekada e ardhshme e Kosovës: Avancimi i Reformave, Bashkëpunimi Rajonal dhe Integrimi Evropian’, organizuar nga Grupi për Ballkan në bashkëpunim me Demokracinë për Zhvillim dhe Qendrën Kosovare për Studime të Sigurisë, raporton Arbresh.info.

“Por është e vetmja zgjidhje për të ardhmen e Kosovës. Po ashtu Kosovës i duhet një reformë e tillë në politik dhe këtë mund ta bëjnë politikanë. Po ashtu shoqëria civile dhe mediat kanë rol. Roli i mediave vazhdon të jetë krucial. Ne mediat i kemi më mirë se në Serbi, Maqedoni e rajon. E di që ka ankesa por ne jemi në tranzicion”, ka thënë ai duke shtuar se të gjithë këta akterë shikojnë nga e ardhmja.

“E them këtë sepse shumica e titujve të gazetave serbe janë me tituj ofendues për Kosovën. Nuk mund të them që 5 ballina të mediave serbe me tituj të njëjtë ofendues janë spontane. Mediat tona shikojnë nga e ardhmja”, ka thënë ai.