Presidenti, Hashim Thaçi, në një konferencë për media në të njëjtën kohë me presidentin e Malit të Zi, Filip Vujanoviq, kanë dalë me një Deklaratë për ratifikimin e marrëveshjes së demarkacionit ndërmjet Kosovës dhe Malit të Zi.

Përmes kësaj deklarate dy presidentët u kanë bërë thirrje deputetëve që ta votojnë marrëveshjen e nënshkruar ndërmjet dy vendeve në gushtin e vitit 2015.

Thaçi ka treguar se gjatë ditës do të takohet me liderët e partive politike për të biseduar rreth asaj se kur do ta procedojnë Demarkacionin në Kuvend.

Ai tha se lidhur me këtë deklaratë është i njoftuar edhe kryeministri, Ramush Haradinaj.“Po, kryeministri është i njoftuar me këtë deklaratë, e ka lexuar dhe e ka pranuar atë. Kjo çështje duhet të kryhet brenda ditësh”, tha Thaçi./ekonomia online