Presidenti i vendit, Hashim Thaçi ka thënë se pranimi i Kosovës për të themeluar Gjykatën Speciale ka ardhur në rrethana imponuese diplomatike ndërkombëtare me arsyetimin se duhet kënaqur akterët e tjerë ndërkombëtarë, siç janë Serbia dhe Rusia.

Thaçi e bëri këtë deklaratë në panelin e organizuar nga OJQ-të: Integra, CPT, PAX, me temën: “Perceptimi publik i Gjykatës Speciale të Kosovës: rreziqet dhe mundësitë”, shkruan arbresh.info.

Sipas tij, bashkësia ndërkombëtare premtoi se pas miratimin të Speciales do të ketë integrim të Kosovës në organizatat ndërkombëtare dhe liberalizim të vizave e formim të ushtrisë së Kosovës, mirëpo siç tha, asnjë nga këto nuk ndodhi.

“Vendimi për themelimin e Gjykatës Speciale erdhi më shumë si nevojë politike ndërkombëtare e akterëve ndërkombëtarë se sa për drejtësi të mirëfilltë. Pranimi ynë ndodhi në rrethana imponuese diplomatike ndërkombëtare me arsyetimin e duhet të kënaqim akterët e tjerë, Beogradin dhe Rusinë që kjo çështje të mos dërgohej në Këshillin e Përgjithshëm të OKB-së. Nga bashkësia ndërkombëtare na u premtuar se do të anëtarësoheshim në Këshillin e Evropës, do të ketë liberalizimin e vizave, do të formohet ushtria por Kosova e mbajti fjalën, e votoi Gjykatën Speciale ndërsa bashkësia ndërkombëtare jo, përkundrazi, Kosovës iu vështirësua rruga për integrim. Kosova u tregua më lojalja por u ndëshkua më së shumti”, u shpreh Thaçi në këtë panel.

Fjalimin e tij të plotë mund ta ndiqni në videon më poshtë:

https://www.facebook.com/arbresh.info/videos/1561548213910265/