Presidenti Thaçi ka vlerësuar në maksimum fjalimin e Sekretarit të Shtetit Amerikan, Mike Pompeo, në Konferencën e Sigurisë në Mynih.

Thaçi thotë se fjalimi i Pomepot ishte frymëzues jo vetëm për rajonin tonë, por për mbarë Evropën dhe botën.

“Fjalimi i Sekretarit të Shtetit, Mike Pompeo, në Konferencën e Sigurisë në Munih, ishte frymëzues jo vetëm për rajonin tonë, por për mbarë Evropën dhe botën.

Paralajmërimi i tij për një koordinim më të madh ndërmjet SHBA-së dhe Evropës do të forcojë unitetin e aleatëve perëndimorë të Kosovës, i cili në tri vjetët e fundit kishte munguar.

Ky unitet do të reflektojë edhe në bashkimin e të gjitha forcave politike brenda Kosovës, duke krijuar një bazë të fuqishme për tejkalimin e sfidave historike që janë para nesh.

Bashkimi i aleatëve strategjikë perëndimorë të Kosovës, e bën të domosdoshëm përfundimin e procesit të dialogut ndërmjet Kosovës dhe Serbisë, duke projektuar të ardhmen e shtetit tonë, bazuar në paqen dhe stabilitetin afatgjatë në Ballkanin Perëndimor. “

https://www.facebook.com/HashimThaciOfficial/posts/3465538143516520