Kryeministri bullgar, Boyko Borissov, është duke qëndruar për një vizitë zyrtare në Kosovë.

Takimin e parë, Borrissov e pati me presidentin e Kosovës, Hashim Thaçi, raporton Arbresh.info.

Presidenti Thaçi e ka falënderuar Borrissov për vizitën që po i bënë Kosovës.

“Diskutuam për krijimin e marrëdhënieve bilateralë mes dy vendeve. Kosova të jetë pjesë e NATO-s dhe Bashkimit Evropian kjo ishte konstatim i përbashkët. Kjo nënkupton paqe, stabilitet për ngritje të mirëqenies bashkërisht”, ka thënë Thaçi pas takimit.

Ai e ka falënderuar Borrissov për rolin që ka pasur Bullgaria në raportin e Komisionit Evropian.

“Me kryeministrin diskutuam edhe për mundësinë e investimeve të Bashkimit Evropian në sektorin e infrastrukturës duke përfshirë segmente të ndryshme qoftë edhe ato të Bullgarisë. Të vlerësojmë se vetëm duke investuar në infrastrukturë mund të kemi jetë më të mirë, të dinjitetshme e krenare”, ka thënë Thaçi./Arbresh.info