Përgjigje pozitive i ka dhënë Albin Kurtit, presidenti Hashim Thaçi për t’u takuar më 6 janar.

Pas refuzimit të tri ftesave nga Kurti, në Presidencë Thaçi do ta presë atë në orën 15:00, për t’u konsultuar rreth mandatarit për formimin e Qeverisë.

Në javët e para të janarit, presidenti Thaçi pret që të formohet Qeveria e re.

Ai ka thënë se e mirëpret marrëveshjen eventuale mes partive edhe për postin e presidentit, post të cilin e mban Thaçi që nga 2016-ta.

Duke arsyetuar mospjesëmarrjen e Kosovës, presidenti Thaçi ka kundërshtuar sërish idenë e krijimit të një Mini-Schengeni në Ballkan.

Në konferencën e fundvitit, Thaçi është pyetur edhe për ftesën eventuale nga Specialja në Hagë.

Ka thënë se do t’i përgjigjet pozitivisht nëse pranon ftesë nga Zyra e Prokurorit të Specializuar, pranë Gjykatës Speciale.