Presidenti i Republikës së Kosovës, Hashim Thaçi, ka dekretuar sot tri ligje që ndërlidhen me parandalimin dhe luftimin e Pandemisë Covid-19.

Këtë e ka bërë të ditur presidenti Thaçi përmes Facebook, ku ka shtuar se këto tri ligje do të mundësojnë tejkalimin e kësaj situate dhe në rimëkëmbjen e ekonomisë së vendit.

Thaçi ka dekretuar Ligjin për Parandalimin dhe Luftimin e Pandemisë COVID-19, Ligjin për Ratifikimin e Marrëveshjes me Asociacionin Ndërkombëtar për Zhvillim lidhur me financimin e Projektit Emergjent COVID-19 dhe atë për Marrëveshjen e Huasë ndërmjet Kosovës dhe BE-së./arbresh.info/

Postimi i plotë:

Kosova tashmë e ka Ligjin për Parandalimin dhe Luftimin e Pandemisë COVID-19, Ligjin për Ratifikimin e Marrëveshjes me Asociacionin Ndërkombëtar për Zhvillim lidhur me financimin e Projektit Emergjent COVID-19 dhe atë për Marrëveshjen e Huasë ndërmjet Kosovës dhe BE-së për ndihmën makro-financiare.

Sot i dekretova këto tri ligje tejet të rëndësishme që ndihmojnë në tejkalimin e kësaj situate dhe në rimëkëmbjen e ekonomisë sonë. H.TH