Drejtuesi i Bashkësisë Islame të Kosovës, Naim Tarnava, në emisionin “Forum” në TV Rrokum ka folur për shqiptarët që i janë bashkuar Shtetit Islamik e që po luftojnë përkrah xhihadistëve në Siri e Irak, si dhe për kërcënimet e tyre ndaj shteteve të Ballkanit.
Ai ka thënë se këto kërcënime i sheh ashtu siç është duke i parë çdo shqiptarë. Sipas tij, njerëzit që janë duke luftuar në ISIS nuk kanë të bëjnë asgjë më Islamin.

“Islami është i pastër. Islami nuk thotë se të vriten njerëz të pafajshëm. Islami është kundër dhunës e kundër terrorit dhe krimit. Islami është i pastër. Mirëpo, ata janë duke e keqpërdorur atë. Këtë po e bëjnë nisur nga mashtrime dhe injoranca e tyre, ose edhe nga parat e majme që marrin. Ajo luftë nuk është e shenjtë edhe ajo luftë është kundër islamit”, ka thënë Tërnava.

Për deklaratat e tij në 626-vjetorin e vdekjes se Sulltan Muratit të Parë, se “Perandoria Osmane nuk ka qenë pushtuese”, ai thotë se mediat i keqinterpretuan fjalët e tij. Por, ka hezituar të japë përgjigje nëse osmanët ishin pushtues apo çlirues!