Tentoi të transportonte 144 boksa me cigare për në Londër, ndalohet një person në Aeroportin e Prishtinës

08:47 | 7 Prill 2025
E.H

Dogana e Kosovës njofton se kanë ndaluar një person në Aeroportin Ndërkombëtar të Prishtinës pasi në bagazhin e tij janë gjetur 144 boksa me cigare.

Në njoftimin për media thuhet se malli ishte i padeklaruar dhe cigaret ishin me banderola të Shqipërisë dhe RKSË, përcjell Arbresh.info.

Njoftimi i plotë:

Më datë 06.04.2025, rreth orës 10:30, në dalje të Aeroportit të Prishtinës, gjatë kontrollit doganor është ndaluar një udhëtar me fluturimin Prishtinë–Londër, shtetas shqiptar.

Gjatë kontrollit të bagazheve të tij, të realizuar përmes skanimit dhe në prani të tij, është zbuluar mall i padeklaruar – konkretisht, sasi e konsiderueshme e cigareve me banderola të Shqipërisë dhe RKS-së, si më poshtë:

Totali: 28,800 copë cigare (144 boksa)

Malli është ndaluar sipas procedurave si dhe rastit eshte duke u trajtuar si kundërvajtje doganore, derisa mallrat jane konfiskuar./Arbresh.info

Shpërndaje në rrjete sociale