Tentativa e 32-të, Guri: Situata është fatkeqësi, zhbllokimi i Kuvendit varet nga VV-ja

11:22 | 15 Qershor 2025
E.H

Paris Guri, deputet nga radhët e LDK-së ka thënë se situata e krijuar në Kuvendin e Kosovës është një fatkeqësi.

Para fillimit të tentativës së 32-të për konstituimin e Kuvendit, Guri tha se nuk ka parë ndonjë përpjekje serioze për zgjidhje dhe se përgjegjësia i takon Lëvizjes Vetëvendosje.

“Kryeministri në detyrë ka deklaruar se kjo nuk është çështje me prioritet, dhe me këtë mendësi nuk shoh zhbllokim të shpejtë. Nuk e kam menduar asgjë dhe nuk është ndjenjë e mirë për të tentuar për ta zhbllokuar situatën, është fatkeqësi por I takon të parit të bëjë zgjidhje kështu që po presim. Kryeministri në detyrë ka deklaruar që nuk është çështje me interes me u zgjidh dhe me këtë mendësi nuk besoj zhbllokim të shpejtë të kësaj situate”, ka thënë Guri.