Agjencia e Menaxhimit Emergjent (AME) u bën thirrje qytetarëve të Kosovës që të tregojnë kujdes të shtuar gjatë stinës së verës, e cila karakterizohet nga temperatura të larta dhe rrezik i shtuar për zjarre.

AME thekson se zjarret në pyje, fusha dhe hapësira të hapura shkaktojnë dëme të konsiderueshme materiale, ndotin ajrin, shkatërrojnë mjedisin dhe rrezikojnë jetën e qytetarëve.

Po ashtu, Agjencia rikujton se zjarrvënia, qoftë e qëllimshme apo nga pakujdesia, përbën vepër penale dhe ndëshkohet me ligj.

“Agjencia e Menaxhimit Emergjent u bën thirrje të gjithë qytetarëve të Republikës së Kosovës që të tregojnë kujdes të shtuar gjatë stinës së verës, e cila karakterizohet me temperatura të larta dhe rrezik të shtuar për zjarre. Zjarret në pyje, fusha dhe hapësira të hapura shkaktojnë dëme të mëdha materiale, ndotin ajrin, shkatërrojnë natyrën dhe rrezikojnë jetën dhe sigurinë e qytetarëve”, thuhet në njoftim./Arbresh.info