Kryetari i Kuvendit Kadri Veseli është takuar sot me ministrin e drejtësisë Abelard Tahirin dhe përfaqësues të Këshillit Gjyqësor dhe atij Prokurorial, raporton arbresh.info

Ai në konferencën për media është pyetur nëse Demarkacioni do të kalojë në Kuvend javën e ardhshme.

Veseli është shprehur optimist në arritjen e një konsensusi për këtë çështje, pasi që dihet se është kusht themelor për liberalizimin e vizave me Bashkimin Evropian

”Demarkacioni është kushti themelor për liberalizimin e vizave të qytetarëve, dëshiroj të theksoj  para të gjithë qytetarëve tanë, që qeveria e udhëhequr nga kryeministri, kuvendi dhe presidenti  janë duke punuar shumë seriozisht në këtë drejtim, ën mënyrë që të kemi sa më shpejt një zgjidhje që këtë kusht që e kemi para vetes të kalojë, do të thotë Demarkacioni të kalojë këtë jemi duke e bërë gjithë bashkërisht me seriozitetin ma të madh, kijeni parasysh që Kosovës i duhet konsensus në çështjen e Demarkacionit dhe jam shumë optimist që bashkërisht mund ta arrijmë këtë”, ka deklaruar kryekuvendari.

Kujtojmë se të hënën do të mbahet mbledhja e Kryesisë së Kuvendit, ku pritet të jetë në agjendë edhe ratifikimi i Demarkacionit me Malin e Zi./Arbresh.info/

https://www.facebook.com/arbresh.info/videos/1679398612125224/