Gjykata e Apelit e Kosovës, ka lënë në fuqi masën e arrestit shtëpiak prej një muaji për të pandehurit A.K. dhe O.K., duke e refuzuar si të pa bazuar ankesën e prokurorisë, kundër aktvendimit të Gjykatës Themelore në Prizren.

Personat në fjalë po dyshohen se në bashkëkryerje kanë kryer veprat penal: Ushtrim i kundërligjshëm i veprimtarisë mjekësore ose farmaceutike dhe prodhim dhe shpërndarje të produkteve të dëmshme mjekësore”, thuhet në komunikatë.

Gjykata e Apelit konstaton se gjykata e shkallës së parë, ka arsyetuar drejt dyshimin e bazuar se të pandehurit kanë kryer veprën penale për te cilën po hetohen, e që është kusht qenësor për caktimin e masës se arrestit shtëpiak.

Po ashtu kjo gjykatë vlerëson se është vepruar drejt edhe konform dispozitave tjera të Kodit të Procedurës Penale, të cilat e rregullojnë këtë çështje.