Tahiri: Pesë të infektuarit me Covid-19 janë nga e njëjta familje

22:23 | 30 Maj 2020
A. B.

Instituti Kombëtar i Shëndetësisë Publike të Kosovës, ka njoftuar se sot kanë rezultuar gjithsej gjashtë (6) persona me koronavirus.

E pesë prej tyre janë konfirmuar në qytetin e Vushtrrisë, shkruan portali arbresh.info

Kryetari i kësaj komune, Xhafer Tahiri përmes një postimi në Facebook, ka bërë të ditur se të gjithë rastet vijnë nga një familje.

Postimi i tij i plotë:

Sonte janë shëruar 2 qytetarë të Vushtrrisë dhe janë konfirmuar 5 raste të reja me Covid 19. Të gjitha rastet e reja janë raste kontakti, jane nga e njejta familje dhe janë në vetizolim.
Edhe sot, Shtabi Emergjent Komunal përmes Kryqit të Kuq ka dërguar mjete mbrojtëse mjekësore, barna, ushqime dhe pako higjenike për familjet e prekura.
Derisa po hyjmë në fazën e hapjes së plotë, ju lutem që gjithsecili qytetar të jetë i vëmenshëm dhe të ketë KUJDES. /arbresh.info/