Deputeti i Aleancës për Ardhmërinë e Kosovës (AAK), Besnik Tahiri në “Ditën e Mësuesit” ka kujtuar mësimdhënësit e tij.

Me anë të një postimi në Facebook, Tahiri u shpreh se në kohë të vështira ata ishin fryemëzuesit e ndjenjës kombëtare dhe rezistuesit e regjimit të Millosheviqit, shkruan Arbresh.info.

“Në Ditën e Mësuesit, kujtoj me respekt kontributin e kujdestarit tim, Isa Kutollovci, arsimtarin Sylejman Zogiani, arsimtarin Vehbi Vatovci dhe shumë të tjerë, që në kohë të vështira u ishin gjeneratorët e edukimit të gjeneratave tona. Ata ishin frymëzuesit e ndjenjës kombëtare dhe rezistuesit e regjimit të Millosheviqit, ndërsa Shkolla Fillore “Dardania” me mësimdhënësit e vetë ishte tempulli rezistues i atyre viteve n’qytet.”, ka shkruar ai.

Ai ka shpërndarë fragmente nga një emision në të cilin ishin të ftuar mësimdhënësit e tij, të cilët kanë treguar se si ishte deputeti Tahiri si nxënës.

“Arsimtarët, Isa e Syla paskan folur për mua e paskan treguar që kam qenë nxënës shembullor, e pak problematik, por që edhe në fillore, si nxënës nuk e kam duruar padrejtësinë.”, ka shkruar mes të tjerash ai.

Ndërkaq, shtoi se nesër do të jenë për drekë bashkë “për të evokuar kujtimet tona të paharruara.”/Arbresh.info/