Kryetari i Grupit Parlamentar të PDK-së, Abelard Tahiri ka kërkuar themelimin e Komisionit Hetimor Parlamentar për procedura të prokurorimit pa publikim të njoftimit për kontratë në ministritë dhe ndërmarrjet publike qendrore.

Tahiri në fjalën e tij të rastit ka thënë se edhe nëse angazhohen 11 prokuror për hetimin e kontratave do të jetë shumë sfiduese.

“Ka kontrata njëburimore që kanë arsyeshmëri siç është çështja e librave që është çështje e rregulluar me ligj. Në hulumtimin që e kemi bërë janë rreth 220 kontrata njëburimore në vlerë totale janë 153 milionë euro. Mirëpo nga partitë opozitare është bërë një hulumtim më i gjer dhe kjo vlerë shkon deri në 200 milionë euro”, ka deklaruar Tahiri.

“Është një sfidë jashtëzakonisht e madhe me qenë një task-forcë prej 11 prokurorëve edhe me staf mbështetës e kanë jashtëzakonisht sfidë të madhe i hetu 220 kontrata njëburimore. Ne si deputet duhet ta kanalizojmë këtë çështje drejtë prokurorisë të shohim sa janë të arsyeshme këto kontrata”, ka thënë ai./Arbresh.info