Ministri i Punëve të Brendshme, Xhelal Sveçla ka uruar gjithë besimtarët myslimanë për festën e Kurban Bajramit.

Ai uroi shëndet, fat dhe lumturi për të gjithë.

“Të dashur qytetarë të Kosovës të besimit mysliman, ju uroj gëzuar Kurban Bajramin. Qofshi të gëzuar sot bashkë me familjarët dhe të afërmit tuaj. Shëndet, fat dhe lumturi uroj t’ju sjellë ky Bajram, të gjithëve ju por edhe gjithë shoqërisë e shtetit tonë”, ka shkruar ai.

Në veçanti ministri uroi Policët e Kosovës.

“Dëshiroj të veçoj në këtë urim Policët e Kosovës, e sidomos ata që janë në shërbim. Puna e institucioneve të rendit mundëson që qytetarët tanë, pa dallim feje apo etnie, të jetojnë, të punojnë e të festojnë të qetë”, ka shkruar tutje ai.

Pas policëve ai uroj edhe gazetarët, sidomos ata që janë në shërbim në teren. “Njëkohësisht uroj edhe gazetarët, sidomos ata që janë në shërbim në terren. Është vërtetuar kohët e fundit se raportimet objektive nga gazetarët e terrenit, ndihmojnë në mbarëvajtjen e qetësisë publike dhe në zbatimin e ligjit”, është shprehur ministri./Arbresh.info/