Sot, policia e Kosovës ka bërë prezantimin e të arriturave për vitin 2023.

Në këtë konferencë foli edhe ministri i Punëve të Brendshme, Xhelal Sveçla.

Sveçla ka theksuar se mbështetja ndaj policisë do të vijojë e do të rritet më tutje.

Ai përmendi edhe sulmin terrorist të 24 shtatorit në Banjskë, si pasojë e të cilit humbi jetën rreshteri policor, Afrim Bunjaku.

“Ishte një vit sfidues për sigurinë e Kosovës, por edhe një vit i suksesshëm për Policinë e Kosovës. Vitin që po lëmë pas u ballafaquam me sulme të njëpasnjëshme të strukturave të Serbisë ndaj zyrtarëve tanë policorë, e me sulm terrorist që mori jetën e rreshterit policor Afrim Bunjakut”.

“Lufta ndaj së keqes duhet të jetë norma e shtetit tonë. Kemi dhënë mbështetje për Policinë dhe do të rritet edhe më tutje, duke njohur sfidat dhe rolin e secilit prej jush, arrijmë objektivat tona së bashku”, tha Sveçla.

Ministri Sveçla falënderoi edhe gazetarët, të cilët përgjatë vitit 2023 ishin cak i sulmeve në veri./Arbresh.info

LEXO EDHE

Drejtori i policisë: Ka pas raste kur policët janë paguar më shumë se 2000 euro në muaj, unë vetë jam paguar më shumë