Sveçla pritet në takim nga homologu i tij italian, flasin për bashkëpunim në luftën kundër krimit të organizuar

10:35 | 7 Qershor 2024
K.B

Ministri i Punëve të Brendshme, Xhelal Sveçla është pritur në takim zyrtar në Ministrinë e Brendshme të Italisë në Romë nga homologu, Ministri Matteo Piantedosi.

MPB njofton se në takim është diskutuar për forcimin e angazhimit të përbashkët të forcave të Policisë së dy shteteve në luftën kundër krimit të organizuar.

“Në takimin zyrtar në Ministrinë e Brendshme të Italisë në Romë, Ministri Sveçla dhe Ministri Piantedosi biseduan për forcimin e angazhimit të përbashkët të forcave të Policisë së dy shteteve në luftën kundër krimit të organizuar, trafikimit, migrimit të paligjshëm dhe veprimeve tjera ilegale. Poashtu, është lavdëruar bashkëpunimin i shkëlqyer në mes të forcave të Policisë së dy shteteve”, thuhet në njoftimin për media./Arbresh.info/