Ministri i Punëve të Brendshme, Xhelal Sveçla ka pritur sot në takim Komandantin e ri të KFOR-it, Gjeneralmajor Angelo Michele Ristuccia.

Sveçla bënë të ditur se e ka njoftuar Ristuccia për situatën aktuale të sigurisë në Kosovë.

“E njoftova Komandantin z. Ristuccia për situatën aktuale të sigurisë në Republikën e Kosovës dhe për përkushtimin tonë për ofrimin e sigurisë, rendit dhe ligjit po ashtu”, ka shkruar Sveçla në Facebook.

Tutje, ai bëri të ditur për komandantin e ri, gatishmërinë e Kosovës për bashkëpunim për arritjen e qëllimeve të vendit.

“Siguria dhe stabiliteti janë synimet tona të përbashkëta andaj me rastin e marrjes së mandatit nga Gjeneralmajor Ristuccia, ri-konfirmova gatishmërinë tonë për bashkëpunim të ngushtë dhe intensiv në arritjen e qëllimeve tona”, tha Sveçla.

“Falënderoj Gjeneralmajor Ristuccia për gatishmërinë dhe përkushtimin që së bashku të punojmë në krijimin e një ambienti të qetë dhe të sigurtë për të gjithë qytetarët tanë”, ka shkruar në fund ai./arbresh.info/