Sveçla përgëzon policinë pas arrestimeve për fajde dhe drogë: Nuk ka më mbështetje politike për grupet mafioze

18:28 | 10 Nëntor 2024
E.H

Ministri i Punëve të Brendshme, Xhelal Sveçla ka përgëzuar Policinë e Kosovës e cila gjatë javës që lëmë pas arrestoi tre persona për fajde, 10 persona të arrestuar për narkotikë dhe mbi 110 kilogramë substancë narkotike e konfiskuar.

“Përgëzoj të gjithë pjesëtarët e Policisë së Kosovës për angazhimin e vazhdueshëm në luftimin e krimit të organizuar dhe çdo lloj krimi tjetër”, ka shkruar Sveçla në Facebook.

Mes tjerash, ministri theksoi se siguria e qytetarëve dhe e vendit mbetet qëllimi kryesor i qeverisë.

“Nuk ka më mbështetje politike për grupet mafioze. Siguria e qytetarëve tanë dhe e vendit tonë mbetet qëllim kryesor dhe në këtë drejtim, asnjëherë nuk do të mungojë mbështetja jonë si qeveri që ky qëllim të jetësohet për çdo dit”, shkroi Sveçla./Arbresh.info