Flaka Surroi i ka kthyer sërish përgjigje përfaqësues së BE-së Federica Mogherinit, pasi ajo kundërshtoi votimin e ushtrisë së Kosovës.

Surroi ka thënë se edhe Kosova ka qëndrim për ushtrinë dhe se as qëndrimi i NATO-së e as i BE-së nuk janë shqiptuar me një zë, duke theksuar se ka zëra dhe vende brenda të dyja këtyre institucioneve që e përkrahin Kosovën. Surroi ka thënë se ushtria nuk është krijuar për ta sulmuar askë.

“Rreziku për destabilizimin e rajonit vjen nga ata që nuk dinë ndryshe pos të shkaktojnë luftëra — e në të ’90-t i shkaktuan katër. E Kocijançiq e besoj se e di këtë punë shumë më mirë seç mund të shpjegohet me fjalë..” ka shkruar Surroi.

Postimi i plotë

Edhe ne e kemi qëndrimin tonë për ushtrinë tonë, dhe për të tash për tash e kemi përkrahjen e një pjese të NATO-s dhe një pjese të BE-së, që dmth, as qëndrimi i NATO-s e as i BE-së nuk janë shqiptuar me një zë .
Fundja, ushtria jonë nuk është krijuar për të sulmuar. Rreziku për destabilizimin e rajonit vjen nga ata që nuk dinë ndryshe pos të shkaktojnë luftëra — e në të ’90-t i shkaktuan katër. E Kocijançiq e besoj se e di këtë punë shumë më mirë seç mund të shpjegohet me fjalë…