Sulmuesit xhihadistë që sulmuan në aeroportin e Brukselit dhe në metro gjatë javës së kaluar, në internet kanë kërkuar edhe shtëpinë e kryeministrit belg Charles Michel.

Detajet janë gjetur në një kompjuter që ishte hedhur në një kazan plëhrash, shkruan BBC, transmeton arbresh.info.

Raportet e pakonfirmuara sugjerojnë se sulmuesit kishin kërkuar planet e ndërtimit, si dhe fotot e zyrës së kryeministrit.

Në kompjuter përfshihej edhe një mesazh i fundit i njërit nga sulmuesit në Bruksel, transmeton arbresh.info.

Në mesazh, njëri nga sulmuesit aeroportit, Ibrahim el-Bakraoui, u ankua se nuk ndihej i sigurtë në asnjë vend.

Autoritetet belge kanë njoftuar se kanë identifukuar të gjitha viktimat e vrara në sulmet e Brukselit. Shtatëmbëdhjetë ishin belg dhe 15 të tjera nga vende tjera të botës. Ndërsa, 94 persona të plagosur vazhdojnë të mbesin në spital. /Arbresh.info/