Një i dyshuar ka sulmuar zyrtarin policor në kryeqytet. Deri te sulmi ka ardhur pasi që i dyshuari përveç pengimit të rrugës me veturën që drejtonte në trafik nuk ka respektuar urdhrat e zyrtarëve policor, shkruan arbresh.info.

Lidhur me rastin është njoftuar edhe prokurori kompetent, ndërsa i dyshuari është shoqëruar për në stacion policor.

Policia e Kosovës bënë të ditur se sipas procedurave dhe në prezencë të avokatit mbrojtës i dyshuari është intervistuar ndërsa me urdhër verbal të prokurorit është liruar në procedura të rregullt.

Njoftimi i plotë i policisë:

“Prishtinë, 02.03.2018. 18:00. Gjatë realizimit të detyrave zyrtare, dy zyrtarë policor janë marr me të dyshuarin mashkull/shqiptar kosovar, i cili përveç pengimit/bllokimit të rrugës me veturën (Peugeot me targa vendore) që drejtonte në trafik nuk ka respektuar urdhrat e zyrtarëve policor në detyrë, dhe po ashtu i njëjti ka sulmuar zyrtarin policor gjatë përpjekjeve për të realizuar detyrën. Është njoftuar prokurori kompetent lidhur me rastin, i dyshuari është shoqëruar në stacion sipas procedurave dhe në prezencë të avokatit mbrojtës është intervistuar, pastaj me urdhër verbal të prokurorit është liruar në procedurë të rregullt”.