Sulmi në Suedi, Kurti u shpreh ngushëllime kryeministrit dhe popullit suedez: Mendimet tona janë me ju

23:05 | 5 Shkurt 2025
E.H

Kryeministri i vendit, Albin Kurti u ka shpreh ngushëllime kryeministrit të Suedisë dhe popullit suedez pas të shtënave me armë zjarri në një shkollë në Orebro, ku humbën jetën 11 persona.

Me anë të një postimi në platformën X, Kurti tha se mendimet tona janë me të gjithë ata që janë prekur nga ky akt dhune, përcjell Arbresh.info.

“Ne i shprehim ngushëllimet tona më të thella kryeministrit suedez Ulf Kristersson dhe gjithë populli suedez pas të shtënave tragjike në shkollë. Mendimet tona janë me të gjithë ata që janë prekur nga ky akt dhune”, ka shkruar Kurti.

Kujtojmë se të martën një person ka shtënë me armë zjarri në një shkollë në Suedi ku ka vrarë 10 persona dhe pastaj edhe veten

I dyshuar për tragjedinë është 35-vjeçari Rickard Andersson, i cili sipas raportimit të mediave suedeze ka jetuar i izoluar dhe ka pasur probleme psikologjike, ndërsa ishte refuzuar për shërbimin ushtarak./Arbresh.info

Shpërndaje në rrjete sociale

Të ngjashme

Foto lajm