Policia e Kosovës njofton se tre zyrtarë policor janë suspenduar nga puna për rastin e Prishjes së Rendit dhe Qetësisë Publike në Skenderaj.

Në njoftim thuhet se vendimi është marr në koordinim me Inspektoratin Policor të Kosovës.

“Sot, me datë 10.06.2025, në ndërlidhje me rastin e Prishjes së Rendit dhe Qetësisë Publike (PRQP) në Skenderaj, Drejtoria Rajonale e Policisë në Mitrovicë Jug, ka ndërmarrë disa veprime dhe në koordinim edhe me Inspektoratin Policor të Kosovës ( IPK) ka marrë vendimin për suspendimin e tre (3) zyrtarëve policorë të Stacionit Policor në Skenderaj në kohëzgjatje prej 72 orësh. Hetimet e mëtejme ndaj zyrtarëve policorë për shkelje të mundshme do të zhvillohen nga institucionet përkatëse kompetente”, thuhet në njoftim.
Sipas raportimeve, suspendimi i zyrtarëve policor ka të bëjë me sulmin e eskortës së kryeministrit në detyrë Albin Kurti në Skenderaj./Arbresh.info

LEXO EDHE:

Eskorta e Albin Kurtit që u godit me vezë në Skenderaj