Dje ka përfunduar afati i aplikimit të maturantëve në Universitetin e Prishtinës.

Profesori i UP-së, Blerim Rexha ka publikuar listën e programeve studimore më të kërkuara nga maturantët që këtë vit aplikuan në Universitetin e Prishtinës.

Sipas kësaj liste drejtimet më të kërkuara në Universitetin e Prishtinës janë ato të mjekësisë, e para në listë është stomatologjia, e ndjekur nga mjekësia e përgjithshme, farmacia e infermieria.

Lista vazhdon me edukimin fillor, psikologjinë, fizioterapinë, dhe edukimi në fëmijërinë e hershme.

Pastaj vazhdon me shkencat kompjuterike dhe arkitekturë.

Rexha ka bërë të ditur se janë po ashtu gati edhe 50 programe tjera në Universitetin e Prishtinës që nuk arritur të joshin më pak se 50% të numrit të planifikuar të studentëve.

Ai ka kërkuar reflektim nga menaxhmenti i Universiteti i Prishtinës dhe nga Ministria e Arsimit, Shkencës, Teknologjisë dhe Inovacionit që të mos injorohen kërkesat e tregut. /arbresh.info/