Kryeministri i Shqipërisë, Edi Rama ka reaguar pasi Gjykata Speciale nuk i ka dhënë leje ish-presidentit Hashim Thaçi, të marr pjesë në ceremoninë e varrimit të babit të tij, Haxhi Thaçi.

Me anë të një postimi në X, Rama e ka quajtur Gjykatën Speciale një ‘gjykatë turpëruese’, transmeton Arbresh.info.

“Një ulje e re nga një gjykatë turpëruese dhe e paturpshme, e cila e ka kthyer drejtësinë ndërkombëtare në një farsë, të drejtat demokratike në fjalë boshe, dhe vullnetin e Parlamentit të Kosovës në një boomerang të dhunshëm”, ka shkruar Rama.

LEXO EDHE:

Specialja nuk e lejon ish-Presidentin Thaçi të marrë pjesë në varrimin e babait

Ndryshe, babi i ish-presidentit Hashim Thaçi, ka ndërruar jetë të dielën në QKUK, tri ditë pas takimit me të birin, ndërsa ceremonia e varrimit do të mbahet nesër në fshatin Burojë të Skenderajt.

Lidhur me moslejimin nga Specialja për të marr pjesë ish-presidenti në varrim, ka reaguar edhe OVL e UÇK-së duke thënë se ky veprim është një akt i qëllimshëm dhe dashakeq i Gjykatës Speciale që ka për qëllim denigrimin jo vetëm të ish-presidentit por edhe të familjes së tij./Arbresh.info

A new low from a shameful and shameless tribunal that has turned international justice into a charade, democratic rights into empty words, and the goodwill of the Kosovo Parliament into the most brutal of boomerangs! pic.twitter.com/yfzQt2Vw9t

— Edi Rama (@ediramaal) March 17, 2025