Ushtruesi i detyrës së kryetarit të Organizatës së Veteranëve të Luftës së Ushtrisë Çlirimtare të Kosovës (OVL UÇK), Faton Klinaku ka reaguar pas bastisjes së Speciales në shtëpinë e ish-komandantit të Ushtrisë Çlirimtare të Kosovës, Sylejman Selimi.

Këto bastisje, Klinaku i ka quajtur spektakël të radhës, shkruan Arbresh.info.

“Siç po raportohet në media, Zyra e Prokurorit të Specializuar (ZPS) është duke kryer bastisje në Kosovë. Njëra prej tyre është në shtëpinë e ish-komandantit të Ushtrisë Çlirimtare të Kosovës, Sylejman Selimi. Edhe këto bastisje që po ndodhin sot, janë vetëm një spektakël i radhës nga ana e tyre.”, ka shkruar Klinaku.

Ndryshe, zëdhënësi Cristopher Bennett nga Zyra e Prokurorit të Specializuar ka konfirmuar për Arbresh.info se operacione janë zhvilluar sot në Prishtinë.

Në përgjigje thuhet se ata kryejnë operacione të vazhdueshme.

“Zyra e Prokurisë të Specializuar po kryen operacione të vazhdueshme”, tha shkrutimisht Bennett./Arbresh.info/

LEXO EXDHE:

Specialja konfirmon bastisjen në shtëpinë e Sylejman Selimit