Situata nga vërshimet në Mitrovicë, KRU Prishtina në ndihmë të qytetarëve

14:04 | 21 Janar 2023

Pas gjendjes së rënduar nga vërshimet e reshjeve të shiut në qytetin e Mitrovicës, KRU “Prishtina” u ka shkuar në ndihmë qytetarëve për tri ditë radhazi me makinerinë nga kjo kompani.

Këtë e ka bërë të ditur drejtori teknik i KRU Prishtinës, Sokol Xhafa.

“Makineria e KRU Prishtina, në ndihmë qytetit të Mitrovicës tani dita e tretë! Lutemi për qytetin dhe qytetarët pa dallim”, ka thënë Xhafa.

Kujtojmë se janë bërë dy ditë që disa komuna të Kosovës kanë pësuar dëme të mëdha materiale nga vërshimet, si dhe disa familje nuk kanë kulm mbi kokë kjo pasi objektet e tyre të banimit janë përfshirë nga uji. /arbresh.info/

 

Shpërndaje në rrjete sociale