Instituti Demokratik i Kosovës (KDI) ka prezantuar sot rezultatet e sondazhit të pestë me radhë lidhur me pritshmëritë e qytetarëve rreth fazës përmbyllëse të dialogut Kosovë-Serbi, me titull: “Normalizimi i marrëdhënieve Kosovë – Serbi, këndvështrimi i qytetarëve.

Jeta Krasniqi nga KDI ka thënë se ky dialog ka filluar që një kohë dhe në këtë fazë kemi shumë paqartësi.

“Nga rezultatet e sondazhit del se 49% mendojnë se dialogu Kosovë-Serbi nuk duhet te vazhdojë nëse nuk do të ketë përfshirje të ShBA-së në këtë proces, 30 % e qytetarëve janë shprehur ‘pro’ vazhdimit të dialogut edhe nëse nuk do të ketë përfshirje të ShBA-së ndërsa 21 % e tyre janë shprehur se nuk e dinë nëse duhet apo jo të vazhdojë dialogu nëse ShBA nuk përfshihet në mënyrë direkt në këtë proces”, ka thënë ajo.

Ajo ka thënë se ende ka paqartësi dhe nuk dihet se cilat do të jenë palët e përfshira në këtë dialog./Arbresh.info/

https://www.facebook.com/arbresh.info/videos/1685234914874927/?notif_id=1518002949161207&notif_t=live_video_explicit