Sindikata e Punëtorëve e RTK-së fton të gjithë anëtarët e saj në protestë më datën 28.01.2019 në ora 13:00 të protestojmë para Kuvendit të Kosovës me kërkesën e vetme: heqjen nga ligji i pagave.

“Siç edhe jeni të njoftuar, Komisioni për Administratë Publike, Qeverisje Lokale dhe Media e ka përfshirë RTK-në në ligjin për pagat duke i krahasuar gazetarët me shërbyesit civilë. Të nderuar kolegë siç edhe e dini, kjo është kundërligjore sepse RTK ka ligjin e saj dhe statusi i RTK-së është ndërmarrje e pavarur me status të veçantë. SPERTK ju fton të na mbështeteni në mënyrë masive në këtë protestë për te arritur që mos ta lëmë RTK të shndërrohet nga mediumi publik në atë shtetërorë. Njëkohësisht ju bëjmë ftesë kolegeve nga mediet tjera ta ndjekin me ekipet e tyre proteste tonë”, thuhet në njoftimin dërguar mediave.