Shpërthimi në veri, KFOR-i dhe EULEX shkojnë në vendin e ngjarjes

07:38 | 16 Janar 2024
E.H

Dy persona kanë mbetur të lënduar si pasoj e shpërthimit të një granate dore pas mesnatës në veri të Mitrovicës.

Lajmin për Arbresh.info e ka konfirmuar zëdhënësi i Policisë së Kosovës për Rajonin e Mitrovicës, Veton Elshani.

Elshani ka thënë se njëri nga të lënduarit është në gjendje më të rëndë, ndërsa shkaqet e shpërthimit ende nuk dihen.

“Rreth orës 23:50 dyshohet se ka shpërthyer një granatë dore tek Hoteli Bisevac, rruga Knjaz Millosh në Mitrovicë Veri, ku si pasojë e shpërthimit janë dëmtuar rreth 4-5 vetura dhe dy persona janë lënduar. Njëri ka lëndime më të rënda dhe policia është në spital”, ka thënë Elshani.

Kurse, sipas mediumeve serbe përveç Policisë së Kosovës në vendin e ngjarjes kanë dal edhe trupat e KFOR-it dhe EULEX-it./Arbresh.info