Një shpërthim masiv në një zonë industriale në qytetin portual spanjoll të Tarragonsa ka ngjallur frikën e një aksidenti kimik me shërbimet e urgjencës duke paralajmëruar banorët të mos dalin jashtë.

Shpërthimi, i cili ndodhi 115 kilometra në jug-perëndim të Barcelonës, të martën në mbrëmje u dëgjua deri 50 kilometra larg dhe dridhi muret e shtëpive, i thanë banorët një radioje lokale, transmeton portali arbresh.info.

Raportet e hershme sugjeruan se katër njerëz ishin lënduar në shpërthim, duke pësuar djegie të mëdha, sipas shërbimeve të urgjencës në Tarragona.

Hi ha hagut una explosió a la petroquímica de Francolí de Tarragona. Primer s’ha il·luminat el cel i tot seguit s’ha escoltat com petava alguna cosa. Ara hi ha una columna de fum que comença a ser considerable. #Tarragona pic.twitter.com/BDxRjRhk5b

— Gerard Cañellas (@GerardCanellas) January 14, 2020

Banorët vendas postuan video që tregojnë pasojat e shpërthimit, me flakë dhe një kolonë të madhe tymi të zi që dilnin nga një zonë e mbushur me tanke të mëdha industriale.

Tarragona është një qytet me 800,000 banorë dhe kryeqyteti i rajonit të Katalonjës së Spanjës. Që nga viti 2015, ajo ka vendosur një qendër kimike prej 1.200 hektarësh të njohur si ChemMed e cila është më e madhja në llojin e saj në Evropën Jugore, raportoi AP./arbresh.info/