Shpend Ahmeti ka një shpjegim për rrugën me kalldrëm në Prishtinë që u tha se u mbulua me asfalt

21:43 | 20 Prill 2021

Dje ka qarkulluar një fotografi ku shihej duke u mbuluar me asfalt një rrugë me kalldërm, në zonën “Prishtina e vjetër”.

Pas kësaj kishte reagime të shumta, e vetë kryetari i Prishtinës, Shpend Ahmeti, theksoi se nuk janë mbuluar kalldërmat.

Por, edhe përkundër kësaj u insistua të ketë ndodhur një gjë e tillë, por Ahmeti ka ardhur me një tjetër shpejgim.

Ahmeti tha në këtë rrugë ka qenë asfalt qe plotë vite dhe gjatë gërryerjes kanë hasur në kalldërm, gjë që më vonë e kanë ndërruar projektin për ta rikthyer përsëri kalldërmin.

“Pash disa statuse që insistojnë që kemi mbuluat një pjesë me asfalt. Në fakt ka qenë asfalt qe plotë vite. Kur e kanë gryer për asfaltim e kemi parë që ka kalldërm përfundi. Kemi insistuar dhe kemi ndërruar projektin për ta kthyer kalldërmen. Pra jo që kemi mbuluar, por kemi shpluar kalldërmen“, ka shkruar Ahmeti në Facebook.

Shpërndaje në rrjete sociale

Lajmet më të lexuara