Tre persona janë shoqëruar në stacionin policor në Podujevë në dy raste të ndara  nën dyshimin e kryerjes së veprës penale “Organizim i skemave piramidale” dhe “Bixhoz të paligjshëm”.

Sipas policisë, të dyshuarit pas intervistimit janë liruar, shkruan Arbresh.info.

“Podujevë / 25.05.2025 – 17:40. Janë shoqëruar në stacionin policor dy të dyshuar meshkuj kosovarë, pasi që në lokalin e tyre dyshohet se kishin organizuar lojëra të fatit online. Pas intervistimit me vendim të prokurorit të dyshuarit janë liruar dhe rasti shkon në procedurë të rregullt.”, thuhet në raportin e policisë.

“Podujevë / 25.05.2025 – 17:45. Është shoqëruar në stacionin policor i dyshuari mashkull kosovar, pasi që në lokalin e tij kishte organizuar lojëra të fatit online. Janë sekuestruar para të gatshme. Me vendim të prokurorit i dyshuari është liruar dhe rasti shkon në procedurë të rregullt.”, bën të ditur policia./Arbresh.info/