Sheshi “Adem Jashari” në Prishtinë, Rama viziton ekspozitën me projektet e selektuara

17:13 | 4 Shtator 2024
E.H

Kryetari i Prishtinës, Perparim Rama ka marr pjesë sot në ekspozitën e projekteve të përzgjedhura për sheshin “Adem Jashari” në kryeqytet.

Me anë të një postimi në Facebook, Rama ka thënë se ekspozita shpalos pesë projektet e selektuara nga juria profesionale përmes Shërbimit të Arkitektit të Kryeqytetit

“Sot hapëm ekspozitën e projekteve të përzgjedhura për Sheshin Adem Jashari në Kryeqytet. Ekspozita shpalos pesë projektet e selektuara nga juria profesionale përmes Shërbimit të Arkitektit të Kryeqytetit. Qytetarët mund të shohin nga afër këto projekte dhe të votojnë për projektin e pëlqyer. Projektet janë ekspozuar në ndërtesën e vjetër të Kryeqytetit, Kati 1, Salla e Konferencave”, ka shkruar Rama./Arbresh.info